Drög að dagskrá Gönguhátíðinnar í Súðavík

Drög að dagskrá

Fimmtudaginn 30. júlí      Off venue

Kl. 20:00             Barsvar á Melrakkasetrinu (Pub Quiz)

 

Föstudagur 31. júlí

Kl. 09:30          Hestur í Hestfirði ( fjórir skór)

Fararstjórar verða Anna Lind og Barði.  Farið verður af stað kl. 09:30 frá Kaupfélaginu í Súðavík og keyrt

inn  að eyðibýlinu Hesti.  Gangan sjálf hefst kl. 10:00 og er ekki fyrir lofthrædda. Vegalengd er 6-7 km.

og uppsöfnuð hækkun er 550m.

 

Kl. 19:00           Gönguhátíðin sett og haldin verður matarveisla

Kl. 20:50           

verður stutt skrúðganga úr matarveislunni yfir að brennunni.

 

Kl. 21:00          Brenna

 

Laugardagur 1. ágúst.

KL. 08:00 - 10:00    Hafragrautur með lifrarpylsu og lýsisskammti í Kaupfélaginu

Þetta kostar 700 kr. en frítt fyrir þá sem eru með gönguarmband.

 

Kl. 09:00          Súðavíkurfjall og tónleikar með Mugison ( þrír skór )

Gengið frá  Arnarnesi og upp og síðan komið niður Traðagilshviflt að Súðavík eða öfugt.

Ofan af Súðavíkurfjalli er mikið og gott útsýni yfir Djúpið.  Þegar komið er niður

í hviftina hefjast tónleikar með Mugison.  Vegalengd er c.a. 10 km. og uppsöfnuð

hækkun c.a. 700 metrar.  Göngufólk kemur saman við Kaupfélagið og lagt er af

stað kl. 09:00

 

Kl. 09:00          Bardagi ( þrír skór )

Bardagi er fallegur tindur á mili Álftafjarðar og Seyðisfjarðar.  Brattar hlíðar, en

svo eru verðlaunin frábært útsýni yfir fjöllin og Djúpið. Að venju er komið saman

við Kaupfélagið í Súðavík og lagt af stað kl. 09:00.  Farastjóri er Orri Sverrison.

Vegalengd c.a. 3-4 km. og hækkun um 600 metrar. Göngutími 3-4 tímar.

 

 

KL. 12:00          Gengið á tónleika Mugison

Komið saman við Kaupfélagið kl. 12:00 og keyrt upp í grjótnámu.  Þaðan er  gengið

inn að Traðargilinu og Mugison verður með tónleika og Mugilady mun án efa leggja

sín lóð á vogarskálarnar.  Vegalengd er c.a.3-4 km. og hækkun um 450 metrar.

 

Kl. 17:00         Síðdegisganga um þorpið ( einn skór )

Fjallað er um þætti úr sögu Súðavíkur m.a. fyrstu hvalveiðistöðina á Íslandi sem var

á Langeyri.  Svæðið þar sem snjóflóðin féllu 1995, farið í Raggagarð og fleira.

Göngufólk kemur saman við Kaupfélagið kl. 17:00.  Vegalegnd er c.a. 5 km. og

göngutími  1-2 tímar og mun heimamaður sjáum leiðsögn.

 

KL. 19:00          Sameiginlegt grill í Raggarði

Grillin verða orðin heit kl. 19:00 og hægt verður að koma með eigið kjöt og meðlæti

eða kaupa grillaðar pylsur á vægu verði.  Pappadiskar og hnífapör verða á staðnum.

Spiluð verður létt tónlist.

 

KL. 20:00          Dansleikur í Félagsheimilinu í Súðavík.

Gestir koma með drykkina með sér.  Það er frítt inn fyrir þá sem eru með gönguarmband.

 

Sunnudagurinn 2. ágúst.

Kl. 08. - 10:00    Hafragrautur með lifrarpylsu og lýsisskammti í Kaupfélaginu

Þetta kostar 700 kr. en frítt fyrir þá sem eru með gönguarmband.

 

Kl. 09:00          Galtarviti um Bakkaskarð ( þrír skór )

Komið saman við Kaupfélagið og sameinast í bíla og keyrt áleiðis í  Skálavík.

Komið við á Bónusplaninu á Ísafirði um 09:30.  Lagt af stað úr Skálavík um tíuleytið og gengið

um Bakkaskarð að Galtarvita. Vegalengd er 12 km. og 880 metra uppsöfnuð hækkun.  Göngutími er c.a.

6-8 tímar undir leiðsögn Barða og Önnu Lindar.

 

Kl. 11:00          Valagil ( einn skór )

Keyrt frá Kaupfélagsplaninu inn í botn Álftafjarðar.  Gangan er tvíþætt - annars vegar styttri ganga að

Valagili og hins vegar áfram og upp með gljúfrunum.  Þetta er falleg ganga og sagan sögð af Bóthildi.

Leiðsögn Einar Skúlason.  Styttri gangan er c.a. 4 km. og sú lengri um 10 km.

 

Kl. 12:00         Ögurganga ( tveir skór )

Gengið frá Ögri og upp á útsýnistað þar sem sjá má glæsilegt útsýni yfir Skötufjörð, Vigur, ísafjarðardjúp

og Æðey.  Þarna eru líka mestu hvalaslóðir Djúpsins og algengt að sjá hnúfubaka í ætisleit.  Verð fyrir mannin

er 1.500 kr. og innifalið er Kaffi/te/kakó og kökusneið í lok göngunnar á kaffihúsinu á Ögri.  Göngufólk kemur

saman við samkomuhúsið á Ögri og lagt af stað um kl. 12:00.  Gangan tekur um 2 tíma með stoppum.

Leiðsögn er í höndum Guðfinnu Hreiðarsdóttur.  Vegalegnd er c.a. 6 km. og hækkun 250 metrar.

 

Kl. 16:00          Naustahvilft  ( 2 skór )

Gangan upp í Naustahvilft er við flestra hæfi og útsýnið yfir Skutulsfjörðinn og Ísafjarðarbæ svíkur engan.

Sagðar verða nokkrar sögur og göngufólk kvittar í gestabókina.  Vegalengd er c.a. 2 km. og hækkun um 200 metrar.

Leiðsögn Ísfirðingur.

 

Kl. 20:00          Sögustund á sunnudagskvöldi í anda baðstofuloftsins

 

 

Mánudagur 3. ágúst

kl. 08:00 - 10:00  

 Hafragrautur með lifrarpylsu og lýsisskammti í Kaupfélaginu

Þetta kostar 700 kr. en frítt fyrir þá sem eru með gönguarmband.

 

Kl. 09:00          Morgunganga á Kofra ( þrír skór )

Komið saman við Kaupfélagið og sameinast í bíla og lagt af stað c.a. níu.  Gengið verður á Kofrann

undir leiðsögn Önnu Lindar og Barða.  Sennilega hefur enginn gengið oftar á Kofrann heldur en Barði.

Gangan getur verið árskorun fyrir lofthrædda.  Sögustund verður á toppnum um kraftinn í Kofranum

Hámark 30 manns í þessari göngu.  Vegalengdin er 3 km. og hækkun 600 metrar og göngutími er 5 tímar.

 

Forsöluverð á gönguarmbandi er 8.000 kr.

Innifalið i gönguarmbandi eru allar göngurnar, tjaldsvæðið í Súðavík alla helgina og hafragrautur og kaffi

á morgnana og einnig aðgangur að ballinu í Samkomuhúsinu á laugardagskvöldinu.

https://paymentweb.valitor.is/Tengill/in3ahq - hér er hægt að borga fyrir armbandið serm fæst

síðan afhent í Súðavík.

.