Auglýsing - Deiliskipulag í Reykjanesi - kynning á vinnslustigi

Sveitarstjórn Súðavíkurhrepps auglýsir hér með opið hús þar sem íbúar geta kynnt sér drög að deiliskipulagi í Reykjanesi, skv. ákv. gr. 5.6.1 í skipulagsreglugerð.

Skipulagstillagan er kynnt á vinnslustigi í samræmi við 41. gr. skipulagslaga nr. 123/2010.

Markmið deiliskipulagsins er að auka möguleika á nýtingu Reykjaness á sjálfbæran hátt auk verndunar náttúru svæðisins. Lögð er áhersla á aukinn möguleika til atvinnuuppbyggingar sem og aðgengi almennings að náttúru svæðisins.

Ekkert deiliskipulag er í gildi á Reykjanesi.

Tillagan verður kynnt á opnum fundi á skrifstofu Súðavíkurhrepps Grundarstræti 1 í Súðavík, mánudaginn 16. maí n.k.  kl. 16:00.

Almenningi verður gefinn kostur á að koma með ábendingar á kynningunni og/eða senda inn ábendingar til skipulags- og byggingarfulltrúa  Súðavíkurhrepps Grundarstræti 1, Súðavík eða á netfangið jbh@verkis.is til og með 26. maí 2022.

Hægt er að nálgast drög að tillögu á skrifstofu Súðavíkurhrepps. Sjá skipulagsuppdrátt hér. Sjá deiliskipulagsgreinargerð hér.

Hver sá, sem eigi gerir athugasemdir við tillöguna fyrir tilskilinn frest, telst samþykkur henni.

Skipulags- og byggingarfulltrúinn í Súðavík.