Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« MaÝ »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
lifid
Facebook Skolastarfsemi Skolar dagskra
Utgefid efni HusinIbae Holtagata 29.
Holtagata 29.

Um S˙­avÝkurhrepp

Dvergasteinn Ý ┴lftafir­i

Fjallið gegnt Súðavík heitir Sjötúnahlíð (sumir segja að upphaflega hafi það verið Sjöttungahlíð). Innarlega á Sjötúnahlíð er fjallið Bardagi og þar niður hlíðina rennur áin Vígá. Sagan segir að þar hafi eitt sinn átt heima dvergur. Dverg þessum sinnaðist við bóndann á bænum hinum meginn við fjörðinn og er ekki getið hvert ágreiningsmálið var.
Til að ná sér niður á bónda þreif dvergur upp þrjá mikla steina og kastaði þeim yfir fjörðinn í því augnamiði að hitta bæ bónda. Allir steinarnir náðu yfir fjörðinn en enginn þeirra hæfði bæinn. Enn þann dag í dag má sjá steina þessa neðan við bæinn, einn úti í sjó, annar í fjörunni og sá þriðji í túninu og er hann kallaður Dvergur. Dregur bærinn nafn sitt af honum og er nefndur Dvergasteinn.

Dvergur í Dvergasteini
Í túninu á Dvergasteini í Álftafirði er stór og mikill steinn ekki ólíkur húsi að lögun og heitir hann Dvergasteinn. Áður fyrr var mikil helgi á steini þessum og því almennt trúað að þar byggi dvergur og fjölskylda hans. Ekkert var bóndanum á jörðinni jafn áríðandi, sem að koma sér vel við nábýlismann sinn, dverginn í steininum. Var forðast að börn hefðu frammi leiki eða aðrar ónáðir umhverfis steininn. Væri út af því brugðið mátti víst heita að eitthvað misferli henti bónda, svo sem missir á kind, kú eða hrossi.
Stundum sást dvergurinn eða birtist í draumi. Stundum sáust líka dvergabörnin að leik umhverfis steininn. Sagt er að sumar húsfreyjur á Dvergasteini hafi í töðugjöldum, jólum og á þrettánda farið með góðan málsverð að steininum með þessum formála: ,,Geri sér að góðu þeir sem í steini búa. Viljum við með vinsemd vættir góðar hylla!" Allt var það þegið og hirt sem að steininum var borið.
Sagt er að ein húsfreyja á Dvergasteini hafi gert gabb að hinni miklu trú á dverginn í steininum. Lét hún börn sín leika sér umhverfis og á steininum með þeim ólátum sem þau vildu. Nótt eina dreymdi húsfreyju að dvergurinn í steininum kæmi til sín. Hann var mjög reiðilegur og mælti til húsfreyju: ,,Illa gerir þú og ósæmilega að gera mér og fjölskyldu minni allt illt er þú megnar. Skal nú lokið ódáðum þínum og þú meðtaka þau laun er þú hefir til unnið".
Þegar dvergurinn hafði þetta mælt fékk húsfreyja augnverk svo mikinn að henni þótti sem höfuð sitt myndi springa. Jafnframt sótti að henni svo mikið magnleysi að hún gat sig hvergi hrært í rúminu. Sumir segja að hún hafi andast úr þessum leiða sjúkdómi en aðrir að hún hafi náð sér eftir margar vikur og þá verið breytt í sinni til dvergsins. Lét hún færa skreið og mat að steininum og lagði hart við að enginn kæmi þar nærri til leika eða ónæðis. Brá þá svo við að allur hagur húsfreyju og bónda greiddist hið besta en áður höfðu þau mætt ýmsum undarlegum óhöppum.

Vestfirskar þjóðsögur
sögn Friðriks Guðmundssonar
Vefumsjˇn