ţriđjudagurinn 24. apríl 2007

Samrćmd lokapróf í 10. bekk

Nú eru samræmdu lokaprófin í 10. bekk u.þ.b. að fara að bresta á en þau verða sem hér segir:

Miðvikudagur 2. maí íslenska kl. 9:00-12:00

Fimmtudagur 3. maí enska kl. 9:00-12:00

Föstudagur 4. maí danska kl. 9:00-12:00

Mánudagur 7. maí samfélagsfræði kl. 9:00-12:00

Þriðjudagur 8. maí náttúrufræði kl. 9:00-12:00

Miðvikudagur 9. maí stærðfræði kl. 9:00-12:00

Nú dugar víst ekkert annað en að spýta í lófa og fara að gera sig kláran fyrir próf.

Skólaprófin hefjast síðan á næstu vikum en við auglýsum þau nánar þegar nær dregur.

ţriđjudagurinn 24. apríl 2007

Árshátíđ

Frestuð árshátíð Súðavíkurskóla verður loks haldin mánudaginn 30. apríl kl. 17.00 í samkomuhúsinu. Boðið verður upp á skemmtilega dagskrá auk þess sem foreldrafélagið sér um glæsilegar veitingar að venju. Aðgangseyrir er 700 kr. fyrir 16 ára og eldri, 300 kr. fyrir 6-15 ára en frítt fyrir yngri en 6 ára og ellilífeyrisþega. Við vonum að sjálfsögðu að sem flestir sjái sér fært að mæta, því það verður glimrandi stemning. Nemendur 6.-7. bekkjar Fuglafjarðarskóla í Færeyjum verða viðstaddir, en þeir koma í heimsókn á sunnudaginn og verða fram til miðvikudags. Það er ætlun okkar að gera heimsókn þeirra sem ánægjulegasta, því þeir tóku svo sannarlega vel á móti okkur þegar við heimsóttum þá árið 2005.

mánudagurinn 9. apríl 2007

Starfsdagur á mánudaginn

Næstkomandi mánudag, 12. mars, verður starfsdagur hér í skólanum sem gerir það að verkum að nemendur mæta ekki í skólann þann dag. Þeir eiga hins vegar að mæta galvaskir á þriðjudaginn kl. 08.10 eða samkvæmt stundaskrá.

Með kveðju, 
kennarar Súðavíkurskóla

Fleiri fréttir

Vefumsjón