ţriđjudagurinn 13. mars 2018

Sigur í Lífshlaupinu 2018

Eins og margir vita þá er lífshlaupið heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa. Lífshlaupið fer fram á hverju ári í febrúar, tvær vikur fyrir nemendur og þrjár vikur fyrir starfsmenn. Allir eru hvattir til þess að hreyfa sig sem mest, minnst hálf tíma á dag. Það er óhætt að segja að nemendur og starfsmenn Súðavíkurskóla taka þessu verkefni af fullri alvöru og standa sig með prýði og hafa unnið til verðlauna á hverju ári. Þetta árið varð engin breyting á, Nemendur unnu fyrstu verðlaun og það gerðu starfsmenn skólans líka. Í tilefni þessa, veitti sveitarstjórinn Pétur Markan, fyrir hönd sveitarstjórnar Súðavíkurhrepps, skólanum skólahreysti áhöld (íþrótta áhöld) að gjöf og bauð síðan öllum upp á tertu og með því í tilefni þessa frábæra árangurs.

Skólahreysti áhöldin koma að góðum notum því þetta skólaárið eru þrír strákar úr unglingadeild skólans að taka þátt í Skólahreysti ásamt þremur stúlkum úr unglingadeildinni á Suðureyri. Þarna sameinast tveir fámennir skólar og búa til eitt lið til að keppa í Skólahreysti 2018. Undankeppnin fer fram í Reykjavík 21.mars n.k. og mikil tilhlökkun er fyrir keppnina.

Við þökkum Sveitarstjórn Súðavíkurhrepps kærlega fyrir gjöfina og vitum að hún á eftir að koma að góðum notum fyrir alla.

Takk fyrir okkur

 

Skólastjóri

mánudagurinn 26. febrúar 2018

Árshátíđin 2018

Árshátíð Súðavíkurskóla sem vera átti 17.mars n.k verður haldin laugardaginn 14.apríl. 

Vonandi kemur þetta ekki að sök.

 

Skólastjóri 

mánudagurinn 5. febrúar 2018

Vinningur - Pizzuparty

1 af 3

Nemendur í 1.-4.bekk fengu bókargjöf frá Umerðarstofu þar sem þeir stóðu sig svo vel í jólagetraun stofnunarinnar. Að auki voru þessir nemendur dregnir út úr heildarpotti þeirra sem tóku þátt og unnu sér inn Pizzuveislu ásamt DVD mynd. Umsjónarkennari þeirra sló upp veislunni sl föstudag og var 0.bekk aðsjálfsögðu boðið að vera með. Allir ákaflega þakklátir og hamingjusamir með vinninginn.

Vefumsjón