Loksins, loksins er komið að ferðalagi nemenda okkar í unglingadeildinni. Það eru þau Milla og Pétur sem fara með nemendur okkar til Danmerkur á fimmtudaginn og verða fram á sunnudag. Það er löng helgi hjá okkur í skólanum þannig að nemendur missa einungis einn dag úr skóla en það er mánudagurinn 29.n.k. Það er komin mikil spenna í ferðalanga enda yfir miklu að hlakka til. Góða ferð og skemmtið ykkur í hófi kæru nemendur og starfsmenn

Þá er hinni árlegu vinaviku lokið að þessu sinni var sameiginlegt þemaverkefni að búa til blóm, kyssa á það með varalit og setja upp á vegg. Hver einstaklingur gerir sitt barmmerki sem hann afhendir sínum leynivini síðasta daginn. Þá hafa allir verið duglegir að gleðja sinn leynivin á hverjum degi með ýmsum gjöfum. Þessir dagar eru alltaf miklir gleðidagar og tókust afar vel. Til hamingju öll:)

Í dag 22.mars er síðasti kennsludagur fyrir páskafrí. Skólahald hefst aftur þriðjudaginn 2.apríl n.k. samkvæmt stundatöflu. Ég óska öllum nemendum, starfsmönnum, foreldrum og öðrum þorpsbúum gleðilegra páska og vona að allir hafi það sem best yfir hátíðina.