ţriđjudagurinn 7. janúar 2020

Leikskóladeild Súđavíkurskóla fćr gjöf

Það var heldur betur gaman í dag þegar tveir fulltrúar frá Kiwanisfélaginu Básar á Ísafirði komu færandi hendi fullt af kössum, fullum af ýmsum þroska leikföngum og þroskatólum. Við fengum semsagt peningargjöf frá félaginu og máttum kaupa það sem börnum okkar á leikskólanum vantaði helst. Við gerðum það og eins og sést á myndinni þá er þetta afraksturinn. Við erum óendanlega þakklát fyrir þessa rausnalegu gjöf, kærar þakkir.

mánudagurinn 14. október 2019

Íţróttahátíđ í Bolungarvík

Fimmtudaginn 10.okt sl, var komið að hinni árlegu íþróttahátíð í Bolungarvík fyrir nemendur í 8.-10.bekk.

Okkar krakkar fóru og kepptu í hinum ýmsu greinum ásamt nemendum frá öðrum skólum á Vestfjörðum. Þetta er orðinn fastur liður í skólahaldi og alltaf gríðarlega gaman fyrir nemendur að hittast og hafa gaman af. Starfsmenn í grunnskólanum í Bolungarvík eru orðnir snillingar að halda svona uppákomur, það þarf mikið skipulag og góða samvinnu til þess að þetta virki og það gerir það alltaf. Við þökkum kærlega fyrir okkur.

mánudagurinn 14. október 2019

Íţróttaviđburđir

Föstudaginn 4.okt sl, komu um 70 krakkar frá Flateyri, Suðureryri og Þingeyri hingað til okkar í Súðavíkurskóla. Allt voru þetta nemendur úr 1.-7.bekk ásamt fylgdarliði. Nú var komið að okkur að halda ,,Öðruvísileikana,, sem eru ekki hefðbundnir íþróttaleikir heldur blandaðir leikir fyrir alla. Við buðum upp m.a. upp á ratleik þar sem nemendur leystu hinar ýmsu þrautir, síðan voru leikir eins og frútsalat, skottaleikur og hlaupa í skarðið. Að leikum loknum var öllum boðið upp á pylsur og meðlæti. Það var gríðarlegt fjör og allir virtust glaðir og sáttir með leikana. Við þökkum kennurum og nemendum fyrir komuna og vonum að allir hafi verið sáttir.

Fyrri síđa
1
234567868788Nćsta síđa
Síđa 1 af 88
Vefumsjón