Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« Ágúst »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
lifid
Facebook Skolastarfsemi Skolar dagskra
Utgefid efni HusinIbae Túngata 9.
Túngata 9.
ţriđjudagurinn 16. ágúst 2016

Skólasetning, innkaupalistar og námsgögn.

Skólaetning Súðavíkurskóla verður föstudaginn 19. ágúst kl. 16:00

Setningin verður í sal skólans.

Enginn innkaupalisti verður gerður fyrir nemendur í Súðavíkurskóla fyrir komandi skólaár. Súðavíkurskóli greiðir fyrir öll hefðbundin námsgögn nemenda, nema skólatöskur og pennaveski. Vonandi verða allir hæst ánægðir með þetta fyrirkomulag sem er komið til að vera.

Gleðilegt skólaár!

 

 

 

Frábær helgi framundan og fullt af skemmtilegum viðburðum.

Kynnið ykkur endilega dagskránna, verð og viðburði.

Athugið að dagskráin hefur breyst aðeins frá þeirri sem var borin í hús.

Í stað brennunnar hefst gönguskóaballið kl. 20 í Samkomuhúsinu.

Hlökkum til að sjá ykkur öll!

Upplýsinga- og þjónustuborð verður í Álftaveri á morgun, föstudag. þar verður hægt að kaupa armbönd og fræðast meira um helgina.

Hér má sjá nýjustu útgáfu af dagskránni.

Skrifstofa Súðavíkurhrepps verður lokuð frá og með 11. júlí - 2. ágúst.

Á þessu tímabili er hægt að senda tölvupóst á sveitarstjóra á petur@sudavik.is

 

Afgreiðsla Íslandspósts verður opin eftir hádegi frá kl. 13 - 14 - frá 11. júlí - 2. ágúst.

Ef erindið er brýnt má senda póst á sudavik@sudavik.is og reynt verður að bregðast við eftir aðstæðum.

 

Sveitarstjóri.

miđvikudagurinn 22. júní 2016

Skrifstofa Súđavíkurhrepps lokar kl. 14 í dag.

Skrifstofa Súðavíkurhrepps lokar kl. 14 í dag. Skrifstofan opnar síðan aftur á morgun kl. 10.

 

Ef málið er brýnt er hægt að nálgast sveitarstjóra í síma 698 - 4842.

 

Kjörfundur vegn kosninga til embættis Forseta Íslands fer fram laugardaginn 25 júní 2016. Kosið verður í Súðavíkurhreppi í tveimur kjördeildum, í Reykjaneskjördeild og Súðavíkurkjördeild.

Í Reykjaneskjördeild er kjörstaður í Heydal og í Súðavíkurkjördeild er kjörstaður í Súðavíkurskóla.

  • Í Reykjaneskjördeild hefst kjörfundur kl. 12.00 og lýkur kl. 18.00.
  • Í Súðavíkurkjördeild hefst kjörfundur kl. 12.00 og lýkur kl. 20.00.

Mörk kjördeilda eru um Ögurnes, þannig að Hvítanes og Vigur tilheyra Súðavíkurkjördeild, en Ögur og allir bæir í hreppnum þar fyrir innan tilheyra Reykjaneskjördeild.

Athygli kjósenda er vakin á ákvæði 79 gr. laga nr. 24/2000 um kosningar til Alþingis, en þar segir:
„Kjósandi skal gera kjörstjórn grein fyrir sér, svo sem með því að segja til sín og framvísa kennivottorði eða nafnskírteini, eða á annan fullnægjandi hátt að mati kjörstjórnar. Ef hann þannig á rétt á að greiða atkvæði samkvæmt kjörskránni afhendir kjörstjórn honum einn kjörseðil.“

Einnig er vakin athygli á ákvæði í 89 gr. sömu laga um slit/lok kjörfundar en þar segir m.a.:
Atkvæðagreiðslu má þó slíta er allir sem á kjörskrá standa hafa greitt atkvæði og eftir fimm klukkustundir ef öll kjörstjórnin og umboðsmenn eru sammála um það, enda sé þá hálf klukkustund liðin frá því að kjósandi gaf sig síðast fram.“

Súðavík 20. júní 2016.

Yfirkjörstjórn Súðavíkurhrepps
Kristján Kristjánsson, Hvítanesi
Lilja Ósk Þórisdóttir, Súðavík
Steinn Ingi Kjartansson, Súðavík

 

 

Rekstrarniðurstaða Súðavíkurhrepps og stofnana hans fyrir árið 2015 er afar jákvæð og sterk samkvæmt ársreikningum Súðavíkurhrepps og stofnana.

 

Reikningarnir voru teknir til seinni umræðu á 29. fundi sveitarstjórnar þriðjudaginn 31. maí 2016.

 

Rekstrarniðurstaða Súðavíkurhrepps og stofnana (A og B hluti) er jákvæð um 18,5 milljónir fyrir fjármagnsliði. 

 

Að teknu tilliti til fjármagnsliða er rekstrarniðurstaðan jákvæð um 16,2 milljónir.

 

Rekstrarniðurstaða A hluta er jákvæð um 14,9 milljónir að teknu tilliti til fjármagnsliða og niðurstaða B hluta er jákvæð um 6,8 milljónir.

 

Veltufjárhlutfall Súðavíkurhrepps er rúmlega 10 samkvæmt niðurstöðu ársreikningsins. Þetta þýðir að hlutfall veltufjármuna Súðavíkurhrepps og skammtímaskulda er afar jákvætt.

 

Samkvæmt áherslum Sambands íslenskra sveitarfélaga er gott að vera með þetta hlutfall yfir 1.

 

Eigið fé sveitarfélagsins í árslok nam 453,2 milljónum.

 

Skuldahlutfall sveitarfélagsins er 30 % en má ekki fara yfir 150 %.

 

Framundan eru miklar áskoranir og stór verkefni í Súðavíkurhreppi, sem og öðrum vestfirskum sveitarfélögum. Ekkert betra veganesti fæst í slíka ferð en kraftmikill hugur, heiðríkja í hjarta og sterkur og traustur fjárhagur. Nú er það veganesti klárt í Súðavíkurhreppi. 

Fulla ferð!

laugardagurinn 28. maí 2016

Hreinsunardagur Geisla sunnudaginn 29. maí

Hreinsunardagur Geisla verður í Súðavík á morgun, sunnudaginn 29. maí.

Safnast saman við skólann kl. 10:30 og þaðan skipulagt hreinsunarátak um fallega þorpið okkar.

Eftir gott átak og hressandi hreinsun verður boðið upp á grillaðar pulsur og eitthvað svalandi á tjaldsvæðinu.

Meðfram þessari hreinsun verður bæjarbíllinn á ferðinni með kerru og ætlar að taka upp garðúrgang frá görðum í vorsnyrtingu.

Tökum til hendinni, finnum græna fingurinn, fegrum umhverfið og verum saman.

ţriđjudagurinn 24. maí 2016

Starfsmađur í Kaupfélagiđ óskast - 100% starf

Starfsmaður í Kaupfélagið ( Matvöruverslun Súðavíkurhrepps ehf) óskast í 100% starf í sumar. Um er að ræða starf í júní, júlí og ágúst.

 

Í ljósi þess hve tíminn er knappur er engin tímarammi á umsóknarfrestinum. Áhugasamir eru hvattir til að senda inn fyrirspurnir og umsóknir sem allra fyrst. 

 

Frekari upplýsingar veittar í síma 450 -5900 / 698 4842 eða á netfanginu petur@sudavik.is

 

Hér má sjá vefsíðu Kaupfélagsins á facebook. 

 

Fyrir hönd Kaupfélagsins,

 

Pétur G. Markan

Sveitarstjóri

 

 

 

Hjördís Guðmundsdóttir sálfræðingur Rauða krossins og Ásta Ingibjörg Pétursdóttir sóknarprestur í Súðavík verða með viðtalstíma og veita sálrænan stuðning þriðjudaginn 24. maí frá kl. 10 til 17 á skrifstofu Súðavíkurhrepps.

Þeir sem vilja nýta sér þjónustu þeirra geta pantað tíma í síma 8642898 eða á netfanginu hjordis@redcross.is

miđvikudagurinn 18. maí 2016

Vinnuskólinn í Súđavík sumriđ 2016

Vinnuskólinn í Súðavík mun hefjast mánudaginn 13. júní nk. og stendur í fjórar eða fimm vikur, fer eftir verkefnastöðu sumarins og fjölda þeirra sem sækja um.

 

Rétt til vinnu í Vinnuskólanum hafa unglingar sem fæddir eru 2000 – 2003.

 

Unglingar fæddir 2003 hafa rétt til vinnu í allt að fjóra klst. á dag.

 

Þeir sem uppfylla ofangreind skilyrði og hafa áhuga á að starfa í Vinnuskólanum í sumar, vinsamlegast skráið ykkur á þar til gerð umsóknareyðublað sem eru á heimasíðu Súðavíkurhrepps www.sudavik.is og á skrifstofu Súðavíkurhrepps fyrir þriðjudaginn 3. júní.

 

 

Eldri fćrslur
Vefumsjón