Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2018 »
« Október »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
lifid
Facebook Skolastarfsemi Skolar dagskra
Utgefid efni HusinIbae Sólbakki
Víkurgata 3
Sólbakki Víkurgata 3

Guðrún Halldórsdóttir hefur verið ráðin sem hafnarstarfsmaður og verkstjóri í áhaldahúsi Súðavíkurhrepps.

Guðrún er 59 ára Súðvíkingur með góða reynslu af sambærilegum störfum. 

Guðrún hefur formlega starf þann 1. okt.

Vestfirskur borgarafundur verður haldinn á Ísafirði, íþróttahúsinu Torfnesi, sunnudaginn 24 sept. kl. 14

Helstu uppbyggingarmálefni Vestfjarða verða þar til umræðu, fiskeldi, samgöngumál og raforkumál.

Búist er við forsætisráðherra, ráðherrum málaflokkana, þingmönnum og sveitarstjórnarmönnum.

Eftirfarandi tillögur verða lagðar fyrir fundinn:

- Ráðist verði strax í vegagerð í Gufudalssveit samkvæmt leið Þ-H (um Teigsskóg), vegna brýnna hagsmuna sveitarfélaganna, atvinnulífsins og íbúa

- Raforkumál á Vestfjörðum verði færð í nútímabúning með hringtengingu Vestfjarða um Ísafjarðardjúp, þannig að atvinnutækifærum fjölgi á Vestfjörðum.

- Laxeldi verði áfram heimilað í Ísafjarðardjúpi og í því ljósi setji stjórnvöld fram, fyrir árslok, ákvæði um nauðsynlegar mótvægisaðgerðir til að verja laxveiðiár í Ísafjarðardjúpi gegn hugsanlegri hættu á erfðablöndun.

Fundarstjóri verður Heimir Már Pétursson, fréttamaður.

Íbúar eru hvattir til að mæta snemma til að tryggja sér sæti.

föstudagurinn 25. ágúst 2017

Súđavíkurhreppur á Facebook.

Súðavíkurhreppur hefur stofnað opinbera síðu á Facebook. Hér er hægt að komast inn á síðuna

Síðan mun geyma skilaboð, hugleiðingar, tilkynningar og auglýsingar frá sveitarfélaginu. 

Eldri síðan mun hýsa áfram myndir af mannlífi og náttúru, til yndisauka og gleði, undir stjórn Þórðar Sigurðssonar.

Gaman væri ef allir þeir sem not og áhuga hafa fyrir upplýsingum á frá sveitarfélaginu á Facebook líki við síðuna með þar til gerðum hnappi. 

Góða helgi!

Lokaundirbúningur fyrir Bláberjadaga verður á Jóni Indíafara kl. 18, mánudaginn 14. ágúst. Við ætlum að grilla og hlæja saman, matur á staðnum, hver og einn kemur með drykki,og hnýta saman síðustu lausu endana fyrir dásamlegu Bláberjadagana okkar, sem verða fyrstu helgina í sept.

Allir velkomnir!

Útför Sigurjóns Samúelssonar, frá Hrafnabjörgum, verður frá Ögurkirkju, laugardaginn 12. ágúst kl. 14.

 

Sveitarstjóri.

Skrifstofa Súðavíkurhrepps verður lokuð á morgun föstudaginn 11. ágúst.  Afgreiðsla Íslandspósts verður aðeins opin frá kl. 13:00 - 15:00 á morgun föstudaginn 11. ágúst

Gönguhátíð í Súðavík um verslunarmannahelgina fyrir fólk á öllum aldri.

Í samvinnu Súðavíkurhrepps, göngufélags Súðavíkur, gönguklúbbsins Vesens og vergangs er skipulögð gönguhelgi í Súðavík um verslunarmannahelgina fyrir alla fjölskylduna. 

Í göngunum gefst fólki kostur á að fara um vestfirskt landslag í fylgd heimamanna, þar sem sagt verður frá örnefnum og sagðar sögur sem tengjast landslaginu og lífinu á svæðinu fyrr og nú. 

Stefnt er á morgun-, miðdegis-, síðdegis- og kvöldgöngur á hina ýmsu staði í Álftafirði og nágrenni í fallegu landslagi við Ísafjarðardjúpið. Í undirbúningi eru göngur á Kofra, í Valagil, úr Skötufirði yfir í Heydal, um Hvítanes í Skötufirði, um Skákina milli Sauradals og Arnardals, upp í Naustahvilft, á Sauratinda og um Þjófaskörð á milli Ísafjarðar og Bolungarvíkur. Auk þess verða skipulagðar styttri göngur í þorpinu sjálfu og hægt að fara í göngur á svæðinu og nota Wapp – Walking app leiðsagnarappið í símanum. 

Dagskrá gönguhátíðar getur tekið breytingum. Nýjustu útgáfu er hægt að nálgast með því að smella hér.

Mannskæðar náttúruhamfarir, jarðskálfti og flóð, skóku vesturströnd Grænlands þann 18 júní. Manntjón og mikið eignatjón varð í hamförunum.

Unfarið hefur söfnun farið fram á meðal sveitarfélaga Íslands, Vinátta í verki, að undirlagi Hrafns Jökulssonar, sérlegrar vináttubrúar þessara tveggja frændþjóða. Flest íslensk sveitarfélög hafa lagt þar fram fjárstuðning.

Súðavíkurhreppur hefur ákveðið að styrkja söfnunina um 100 þús. kr. - og um leið sendir sveitafélagið Grænlendingum hugheilar óskir um skjóta endureisn og samúð í þeirri sorg sem nú ríkir.    

ţriđjudagurinn 27. júní 2017

Sumarlokun skrifstofu Súđavíkurhrepps

Skrifstofa Súðavíkurhrepps verður lokuð frá og með 30. júní til 1. ágúst.  Á þessu tímabili er hægt að senda tölvupóst á petur@sudavik.is eða genka@sudavik.is

Afgreiðsla Íslandspósts verður aðeins opin eftir hádegi, kl. 13:00 - 15:00 frá 30. júní - 1. ágúst

Árleg þorpshreinsun Geisla verður sunnudaginn 11. júní kl. 10.  Safnast verður saman við Súðavíkurskóla.

Á eftir verður grillveisla í Gunnubúð, tjaldsvæðinu í Súðavík.

Hittumst, hreinsum þorpið og grillum saman!

 

 

 

Eldri fćrslur
Vefumsjón