Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« Nóvember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
lifid
Facebook Skolastarfsemi Skolar dagskra
Utgefid efni HusinIbae Nesvegur 17 a og 17 b.
Nesvegur 17 a og 17 b.

Umhverfis og samgöngunefnd ákvað á síðasta fundi sínum að standa fyrir umhverfisátaki  í Súðavík.

Vikuna 29. maí - 4. júní verður umhverfisátak í Súðavík.  Þá viku eru íbúar Súðavíkur hvattir til að snyrta og fegra í kringum sig, garða og nærumhverfi.

Íbúum Súðavíkur gefst kostur á, í umhverfisvikunni, að skilja garðúrgang eftir í svörtum plastpokum fyrir framan húsin sín og starfsmaður sveitarfélagsins mun aka hring í Súðavík, seinni part dagsins, og losa íbúana við úrganginn á viðeigandi stað. Þessi þjónusta verður alla virku daga í umhverfisvikunni.

Á laugardeginum verður síðan Geisli með árlega bæjarhreinsun og grill á eftir. Safnast verður saman að venju við Súðavíkurskóla kl. 10.

Súðavíkurhreppur hvetur fyrirtæki í Súðavík til þátttöku í hreinsunarátakinu og gera skurk í hreinlætist og umhverfismálum sinna lóða og nærumhverfis. Bréf þess efnis mun berast fyrirtækjum í næstu viku.

Hjartaheill og SÍBS í samstarfi við sveitarfélög og Heilbrigðisstofnun Vestfjarða munu bjóða Vestfirðingum ókeypis heilsufarsmælingu 24.- 26. maí næstkomandi í stað þeirra sem frestað var 10.-11. maí vegna veðurs.

Mælingarnar ná til helstu áhættuþáttta lífsstílssjúkdóma þar sem mældur er blóðþrýstingur, blóðsykur, blóðfita, súrefnismettun og styrkur auk þess sem boðið verður upp á öndunarmælingu fyrir þá sem mælast lágir í súrefnismettun. Jafnframt gefst þátttakendum kostur á að svara lýðheilsukönnun. Fræðsla um lífsstílstengda sjúkdóma verður í boði, hjúkrunarfræðingar frá heilsugæslunni verða á staðnum og veita ráðgjöf og eftirfylgd.

 

 

fimmtudagurinn 11. maí 2017

Tveir vitar - listaverkiđ afhent Fćreyingum.

Listarverkið Tveir vitar var afhent Færeyingum við hátíðlega athöfn í Þórshöfn á þriðjudag, 9. maí.

Listaverkið hvílir á sérlega falllegum stað, trónir á hól í grasagarði gegnt Vesturkirkjunni í Þórshöfn.

Að gjöfinni standa Súðavíkurhreppur og Ísafjarðarbær,  til minningar um þá rausnarlegu leikskólagjöf sem sveitarfélögin fengu frá Færeyingum, eftir skelfilegar snjóflóðahamfarir.

Sveitar- og bæjarstjórar sveitarfélaganna héldu stutta ræðu við tilefnið. Annika Olsen, borgarstjóri Þórshafnar tók við listaverkinu og hélt einnig fallega tölu. Þá ávarpaði varalögmaður Færeyja, Högni Hoydal, athöfnina.

Í ræðu sveitarstjóra kom m.a. fram hversu sérstakt samband Íslands sé við Færeyjar. Sú taug sem tengir þessar þjóðir saman, sé ekki ofin saman úr þjóðhagslegum ávinningum, heldur úr kærleik og vináttu, skyldleika og samhug íbúa þessara tveggja þjóða.  Gjöf Færeyinga til Súðvíkinga og Flateyringa endurspeglar þessi grunnstef í sambandi þjóðanna. Í þungum þönkum sorgarinnar kom söfnun Færeyinga sem ljós inn í myrkur, umhyggjusamt bros vonarinnar og þýðunnar.

 

Ég get verið þýða þín,

þegar allt er frosið.

Því sólin hún er systir mín,

sagði litla brosið.

(Ragnar Gröndal)

 

Jón Sigurpálsson, myndlistamaður, er höfundur listaverksins.

Listaverkið Tveir vitar er skírskotun til margra þátta í lífi og sál þjóðanna. Vitarnir og ljósið í þeim er tákn um lífsbjörg, tákn um hjálpina, tákn um öruggt skjól. Leiðarljós vita hefur lýst þjóðunum leiðina um dimma daga og erfið veður. Vitar eru báðum þjóðunum mikilvægir í daglegum störfum til sjávar.

Kveikjan að listaverkinu er hinn órjúfanlegi skyldleiki beggja þjóða frá landnámi eyjanna, sem meðal annars má lesa um í Færeyinga sögu sem rituð var á Íslandi á söguöld. Nafn verksins undirstrikar þetta, en í ritmáli þjóðanna eru Tveir vitar skrifað eins á íslensku og færeysku.

Í efnisvali horfði listamaðurinn til jarðsögunnar. Blágrýti og stál eru harðneskjuleg efni en eru undurmjúk þegar þau hafa fengið meðhöndlun – verið pússuð og fægð. Litirnir í verkinu eru í alþjóðlegum litastaðli fyrir vita."

Hjartaheill og SÍBS í samstarfi við Heilbrigðisstofnanir Vestfjarða og Vesturlands munu bjóða Vestfirðingum ókeypis heilsufarsmælingu 9.-12. maí næstkomandi.

Mælingarnar ná til helstu áhættuþáttta lífsstílssjúkdóma þar sem mældur er blóðþrýstingur, blóðsykur, blóðfita, súrefnismettun og styrkur auk þess sem boðið verður upp á öndunarmælingu fyrir þá sem mælast lágir í súrefnismettun. Jafnframt gefst þátttakendum kostur á að svara lýðheilsukönnun. Fræðsla um lífsstílstengda sjúkdóma verður í boði, hjúkrunarfræðingar frá heilsugæslunni verða á staðnum og veita ráðgjöf og eftirfylgd.

 Heilsufarsmæling í Súðavíkurhreppi verður fimmtudaginn 11. maí kl. í Álftarveri frá kl. 18 - 20.  

Íbúafundur verður í Heydal, föstudaginn 17. mars kl. 19:30.

Meðal þess sem rætt verður um verður upphaf og lýsing á heildarendurskoðun á aðalskipulagi Súðavíkurhrepps.

Þá verður farið yfir þær framkvæmdir sem fyrirhugaðar eru í Inndjúpinu á þessu ári.

Þá verður almenn umræða um málefni sveitarfélagsins.

 

Í haust lagði Súðavíkurhreppur mikla vinnu í umsókn í Framkvæmdasjóð ferðamannastaða, til að fara í nauðsynlegar framkvæmdir á Hvítanesi.

Verkefnið snýst um að búa til aðstöðu fyrir ferðamenn, og auðvitað heimamenn, sem vilja njóta selalátursins á Hvítanesi.

Verkefni sem á eftir að auka öryggi vegfarenda, bæta þjónustu við gesti og færa alla umgjörð staðarins í takt við góða gestrisni.

Í dag uppskárum við ríkulega. Fengum 13 milljónir úr framkvæmdasjóðnum, stærsta einstaka styrkinn á Vestfjörðum.

Vel af sér vikið Súðavíkurhreppur!

Nú er að hefjast handa, Djúpið kallar á uppbyggingu fyrir ferðamenn.

Matvöruverslun Súðavíkurhrepps ehf sem gengur undir nafninu Kaupfélagið er til sölu.

Fyrirtækið er í fullri eigu Súðavíkurhrepps.

  • Kaupfélagið er lítil, falleg og vinaleg matvöruverslun í Súðavík, með margskonar hlutverk.
  • Kaupfélagið er kaffihús, sem bakar bakkelsi og kruðerí ofan í heimamenn og gesti.
  • Kaupfélagið er bókasafn Súðavíkurhrepps, bækurnar prýða veggi búðarinnar með tilheyrandi vísdóm og fegurð. Bókasafnið er rekið samkvæmt samningi við Súðavíkurhrepp.
  • Kaupfélagið er upplýsingamiðstöð fyrir ferðamenn á svæðinu, starfrækir hana samkvæmt samningi við Súðavíkurhrepp.
  • Kaupfélagið er fullbúinn veitingarstaður, sem kallast af heimamönnum Jón Indíafari, og býður eftir að elda mat ofan í heimamenn og gesti.
  • Kaupfélagið þjónustar Orkuna, eldsneytissölu á planinu, samkvæmt samningi við sama fyrirtæki.
  • Kaupfélagið sér um mötuneyti Súðavíkurskóla allt skólaárið, samkvæmt samningi við Súðavíkurhrepp.
  • Kaupfélagið er spennandi verkefni fyrir áhugasama einstaklinga, sem vilja samþætta spennandi verkefni í uppbyggingu ferðaþjónustu á svæðinu, við rólegan og fjölskylduvænan stað.

Frekari upplýsingar gefur sveitarstjóri Súðavíkurhrepps.

Bátaeigendum í Súðavíkurhöfn er bent á að huga að bátum sínum og treysta landfestar. . 

Mesti veðurhamurinn verður á sunnanverðu landinu. Veðurstofan spáir vaxandi austanátt með snjókomu á Vestfjörðum í dag. 18-25 m/s seint í dag og slydda og hlýnar. Lægir nokkuð í kvöld. Suðvestan 10-18 og él í nótt, en dregur smám saman úr vindi á morgun og frystir.

miđvikudagurinn 15. febrúar 2017

Súđavíkurskóli sigrađi í Lífshlaupinu

Súðavíkurskóli sigraði í flokki skóla að 90 nemendum í grunnskólakeppni Lífshlaupsins sem lauk í gær. Gríðarlega góð þátttaka var í skólanum þar sem allir voru skráðir til leiks og var skráð hreyfing tæpa 13 daga af þeim 14 sem keppnin stóð, eða 12,89 og var langt í annað sætið sem var með 9,39. Grunnskólakeppni Lífshlaupsins hófst 1.febrúar og í keppninni mátti skrá alla hreyfingu sem náði minnst 60 mínútum samtals á dag hjá nemendum.

 

Umræða hefur farið fram undanfarið um verð á skólamáltíðum í sveitarfélögum landsins.

Hér má sjá úttekt ASÍ á málinu.

 

Þar kemur meðal annars fram að gjald fyrir hádegismat, þriggja tíma gæslu og síðdegishressingu í Garðabæ er 36.484 kr. - hæst allra sveitarfélaga. Hádegisverður og síðdegishressing kostar 13.104 kr.

Hér er þó ein breyta sem vert er að hafa í huga. Þarna er verið að ræða stór sveitarfélög - yfir 3 þús manns.

Til samanburðar þá kostar hádegismatur og síðdegishressing í Ísafjarðarbæ 14.154 kr.

Hádegisverður og morgunverðarhlaðborð kostar 12.748 kr. í Súðavíkurhreppi. 

Sé miðað við öll sveitarfélög kemur í ljós að Súðavíkurhreppur er með lægri verðlagningu en þessi sveitarfélög.

 

 

Eldri fćrslur
Vefumsjón