Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2020 »
« Ágúst »
S M Ţ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
lifid
Facebook Skolastarfsemi Skolar dagskra
Utgefid efni
ţriđjudagurinn 22. mars 2016

Páskar í Súđavíkurhreppi - opnun og dagskrá.

Skrifstofa Súðavíkurhrepps verður lokuð fimmtudag, föstudag og mánudaginn annan í páskum.

 

Kaupfélagið okkar verður opið á fimmtudag frá kl. 10 og til 18 - laugardag frá kl. 11 - 14 og á annan í páskum frá kl. 10 til 18.

 

Á fimmtudag verður bókasafnið í Kaupfélaginu opnað með smávægilegu hófi sem hefst kl. 20:30. Allir velkomnir! Barinn verður síðan opin fram eftir kvöldi með tilheyrandi stemmingu.

 

Á laugardag verður síðan croissant morgun í Kaupfélaginu, rjúkandi gott kaffi og nýbakað bakkelsi...og bækur...nóg af bókum til að lesa og virða fyrir sér.

 

Árlegur páskaeggjaleikur Melrakkasetursins verður á páskadag frá kl. 11-12.

Nú gengur yfir óveður með miklum vindstyrk og úrkomu. Mikilvægt er að íbúar bindi niður allt lauslegt og geri viðeigandi ráðstafanir.

Eigendur báta eru beðnir að athuga með þá og gera viðeigandi ráðstafanir.

Búast má við miklum vatnaleysingum næsta sólarhring samfara þessu veðri og þarf að huga að fasteignum og öðrum verðmætum sem gætu orðið fyrir tjóni vegna þessa.

Ef aðstoðar er þörf er sími sveitarstjóra 698 - 4842, björgunarsveitin er í síma 861 - 4658 og bæjarstarfsmaður er í síma 863 - 1019.

föstudagurinn 11. mars 2016

Vond spá fyrir morgundaginn

Það er spáð afskaplega slæmu veðri á morgun og full ástæða til að eiga samtal við ferðamenn, benda á þeim á spána og biðja þá að halda kyrru fyrir eða breyta ferðaplönum (fer eftir tíma og staðsetningu) í samræmi við aðstæður og veður.

Eins og áður byggist þetta á ferðaþjónustuaðilum þ.e. að þeir séu með aðstæður á sínu svæði á hreinu og ráðleggi ferðamönnum í samræmi við þær.

Þá er nauðsynlegt að bátaeigendur hugi að bátum sínum sem liggja í Súðavíkurhöfn.

 

 

 

miđvikudagurinn 9. mars 2016

Til húseigenda á Vestfjörđum

Til húseigenda á Vestfjörðum

Ef veðurspár Einars Sveinbjörnssonar hjá Veðurvaktinni ganga eftir má vænta töluverðs vatnselgs næstu daga. Mikilvægt er að búa sig vel undir hann. Í nótt spáir hann að það hláni. Talsvert komi til með að rigna í byggð fram eftir morgundeginum,  einkum sunnan til á Vestfjörðum. Leysingin komi til með að ná upp fyrir miðjar fjallshlíðar og hiti á láglendi verði um 5 stig. Hlákan verði snörp og síðan kólni aftur á föstudag með nýjum snjó í SV-átt.  Um helgina hlýni síðan aftur með ákveðinni S-átt og rigningu á köflum.  Reiknað er með umtalsverðri leysingu vel fram yfir helgina þar sem snjó og klaka mun taka nokkuð hratt upp í byggð.

Þar sem snjóalög eru sumstaðar talsverð og klaki er víða undir, er brýnt fyrir húseigendur að vera - á varðbergi og moka frá niðurföllum svo leysingavatn finni greiða leið.

  • Moka snjó og klaka frá niðurföllum
  • Tryggja að niðurfall sé ekki stíflað
  • Moka snjó af svölum
  • Moka snjó frá húsveggjum
  • Gæta að vatnssöfnun á þaki sér í lagi ef það er flatt

Næsta laugardag 5.mars verður árshátíð Súðavíkurskóla haldin í Samkomuhúsinu. Að þessu sinni sýnum leikritið um Andvaka kóngsdótturina eftir Þórunni Pálsdóttur, sem hefur verið aðlagað fyrir okkar skóla.

Sýningin hefst klukkan 14:00 og er áætlaður sýningatími tæp klukkustund, allir nemendur skólans koma að sýningunni og hafa lagt mikið kapp á æfingar og allan undirbúning.

Að sýningu lokinni býður foreldrafélagið upp á kaffihlaðborð á sal skólans. Aðgangseyrir fyrir sýningu og kaffihlaðborð er frítt fyrir leikskólabörn, 700.-kr fyrir grunnskólanemendur og 2000.-kr fyrir fullorðna.

Ágóðinn rennur til nemendafélags skólans. Þar sem ekki verður boðið upp á kortagreiðslu eru allir beðnir að muna eftir pening til að greiða aðgangseyri.

Allir hjartanlega velkomnir

Anna Lind Ragnarsdóttir
Leikskóli Súðavíkur

 

Í nokkurn tíma hefur verið unnið að því að stofna ferðaþjónustusamtök í Súðavíkurhreppi. Samtökin eiga að halda utan um stefnumótun og hagsmunabaráttu þessa vaxandi atvinnuvegar í hreppnum og á Vestfjörðum, í samvinnu við markaðsstofu Vestfjarða og Ferðaþjónustusamtök Vestfjarða.

Framundan er spennandi stefnumótunarvinna fyrir Vestfirði í ferðamálum fyrir árin 2016 – 2020, sem Ferðamálasamtök Vestfjarða munu halda utan um. Mikilvægt er að ferðaþjónustusamtökin í Súðavíkurhreppi verði hluti af þeirri vinnu og tilnefni meðal annars sinn fulltrúa í vinnuhópinn.

Boðað er til stofnfundar Ferðaþjónustusamtaka Súðavíkurhrepps í Heydal, 4. mars kl. 12:00.

Dagskráin er ennþá í mótun, en fyrir utan hefðbundin stofnfund, þar sem lög, samþykktir og stjórn samtakana verða borin upp til samþykktar verða eftirfarandi aðilar með stutta framsögu og erindi:

• Fulltrúi frá Markaðstofu Vestfjarða
• Atvinnuþróunarfélag Vestfjarða verður með greiningu á ferðaþjónustu á Vestfjörðum.
• Pétur G. Markan, sveitarstjóri Súðavíkurhrepps
• Daníel Jakobsson, formaður Ferðamálasamtaka Vestfjarða.
• Stephen Midgley, framkvæmdastjóri Melrakkaseturs Íslands

Mikilvægt er fyrir alla hagsmunaaðila að taka daginn frá og mæta til þessa stofnufundar og vera þannig hluti af starfi samtakanna frá byrjun.

Að sjálfsögðu verða kaffi og kökur á boðstólunum, eins og Stellu er einni lagið.

Áætlað að slíta samkomunni um kl. 16.

Frekari upplýsingar veitir skrifstofa Súðavíkurhrepps.

 

Sveitarstjóri

sunnudagurinn 21. febrúar 2016

Súđavíkurhlíđ opnast í dag.

Mokstur er hafinn á milli Súðavíkur og Ísafjarðar. Gert er ráð fyrir að Súðavíkurhlíð opnist von bráðar.

laugardagurinn 20. febrúar 2016

Vonskuveđur, mokstur og Súđvíkurhlíđ lokuđ.

Vonskuveður er á Vestfjörðum. Mokað verður í Súðavík til að halda helstu leiðum greiðfærum. Súðavíkurhlíð er lokuð og verður athugað með opnun í dag. 

Hér verða upplýsingar settar inn í dag um gang mála.

miđvikudagurinn 10. febrúar 2016

Grímuball í Súđavíkurskóla kl. 16

Hið árlega og feikiskemmtilega grímuball verður haldið í Súðavíkurskóla kl. 16.

 

Stanslaust fjör og sprell, kötturinn sleginn og dansað í fallegum búningum.

 

Allir velkomnir! 

föstudagurinn 5. febrúar 2016

Snjómokstur föstudaginn 5. febrúar.

Stungið var i gegnum götur Súðavíkur í morgun í miklum veðurham. Reynt verður að halda þorpinu eins og greiðfæru og aðstæður leyfa.

Stungið verður aftur í gegn eftir hádegi.

Eldri fćrslur
Vefumsjón