Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2017 »
« Maí »
S M Ţ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
lifid
Facebook Skolastarfsemi Skolar dagskra
Utgefid efni HusinIbae Nesvegur 5.
Nesvegur 5.
fimmtudagurinn 28. maí 2015

VINNUSKÓLINN - sólarsumariđ 2015

 

 

 

VINNUSKÓLINN

                    sólarsumarið 2015

 

 

Vinnuskólinn í Súðavík mun hefjast mánudaginn 15. júní nk. og stendur í fjórar eða fimm vikur, fer eftir verkefnastöðu sumarins og fjölda þeirra sem sækja um.

 

Rétt til vinnu í Vinnuskólanum hafa unglingar sem fæddir eru 1999 – 2002.

 

 Unglingar fæddir 2002 hafa rétt til vinnu í allt að fjóra klst. á dag.

 

Þeir sem uppfylla ofangreind skilyrði og hafa áhuga á að starfa í Vinnuskólanum í sumar, vinsamlegast skráið ykkur á þar til gerð umsóknareyðublað sem eru á heimasíðu Súðavíkurhrepps www.sudavik.is og á skrifstofu Súðavíkurhrepps fyrir þriðjudaginn 6. júní nk.

 

Sveitarstjóri

 

 

 

 

Kalkþörunganám í Ísafjarðardjúpi

Auglýsing um tillögu að matsáætlun

Íslenska kalkþörungafélagið kynnir hér með tillögu að matsáætlun vegna kalkþörunganáms í Ísafjarðardjúpi. Tillagan er unnin af VSÓ Ráðgjöf og Jarðfræðistofu Kjartans Thors.

Í tillögu að matsáætlun er m.a. gerð grein fyrir eftirfarandi:
• Hvernig staðið verður að vinnu vegna mats á umhverfisáhrifum
• Helstu áhrifaþáttum framkvæmdarinnar
• Umhverfisþáttum sem kunna að verða fyrir áhrifum
• Gögnum og rannsóknum sem lögð verða til grundvallar matinu

Tillagan er aðgengileg á heimasíðu VSÓ Ráðgjafar, www.vso.is og hér. Senda skal skriflegar athugasemdir eða ábendingar um tillögu að matsáætlun á netfangið audur@vso.is eða VSÓ Ráðgjöf (b.t Auður Magnúsdóttir), Borgartún 20, 105 Reykjavík

Frestur til að senda inn ábendingar er til 2. júní n.k.

Nú hefur verið stofnaður nýr Uppbyggingarsjóður Vestfjarða sem rekinn er innan vébanda Sóknaráætlunar landshlutans og er í umsjón Fjórðungssambands Vestfirðinga. Hann tekur við hlutverki Menningarráðs Vestfjarða og Vaxtarsamnings Vestfjarða og veitir styrki til menningarverkefna, atvinnuþróunar- og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015. Í vor verður í fyrsta skipti úthlutað úr sjóðnum og er umsóknarfrestur til og með 30. apríl. Til ráðstöfunar í úthlutun eru um það bil 60 milljónir að þessu sinni, sem er svipuð upphæð og úthlutað var á grundvelli menningar- og vaxtarsamninga á síðasta ári.

 

Veittir verða stofn- og rekstrarstyrkir til menningarstofnana, verkefnastyrkir til menningarmála og verkefnastyrkir til atvinnuþróunar- og nýsköpunarverkefna. Nýbreytni er að hægt er að sækja um stærri styrki til lengri tíma en áður, allt að þremur árum. Skila verður umsóknum á þar til gerðu umsóknareyðublaði sem er að finna ásamt frekari upplýsingum og úthlutunarrreglum hér á vef Fjórðungssambands Vestfirðinga – www.vestfirdir.is/Uppbyggingarsjodur.

 

Samþykkt hefur verið að árið 2015 verði litið sérstaklega til verkefna sem uppfylla eitt eða fleiri eftirfarandi skilyrða:

 

a)  Verkefni sem efla nýsköpun og atvinnuþróun á svæðinu og stuðla að stofnun nýrra fyrirtækja sem byggja á nýsköpun, einnig vöru- og gæðaþróun í starfandi fyrirtækjum
b)  Verkefni sem stuðla að nýsköpun, fjölbreytni og aukinni fagmennsku í menningarstarfi
c)  Verkefni sem fjölga eða styðja við atvinnutækifæri á sviði lista og menningar
d)  Verkefni sem efla samstarf á sviði menningarmála á svæðinu
e)  Verkefni sem styðja við uppbyggingu og eflingu menningartengdrar ferðaþjónustu
f)  Verkefni sem skapa viðskiptatækifæri og verðmæti á sviði skapandi greina
g)  Verkefni sem skapa störf fyrir háskólamenntaðar konur eða stuðla að fjölbreyttari atvinnutækifærum fyrir ungt fólk á svæðinu
h)  Atvinnuþróunar- og nýsköpunarverkefni sem auka útflutningstekjur eða eru gjaldeyrisskapandi
i)   Atvinnuþróunar- og nýsköpunarverkefni á sviði líftækni
j)   Verkefni sem byggja á samstarfi fyrirtækja og rannsóknaraðila, þ.m.t. háskólastofnana

 

Hægt er að hafa samband og senda umsóknir rafrænt á netfangið uppbygging@vestfirdir.is. Starfsmenn Fjórðungssambands Vestfirðinga veita ráðgjöf við gerð umsókna í Uppbyggingarsjóð og sama gildir um starfsmenn Atvinnuþróunarfélags Vestfjarða.

Íbúafundur verður haldin miðvikudaginn 15. apríl kl. 20 í Súðavíkurskóla.

Efni fundarins verður svofellt:

 

1. Verslun í Súðavík.

2. Skýrsla uppbyggingar innviða í Súðavík v/ Kalkþörungaverksmiðju

3. Önnur mál.

 

Ráðgert er að fundurinn taki ekki meira en tvo tíma.

 

Kaffi, kleinur og uppbyggilegar umræður um framtíð Súðavíkur.

 

-Sveitarstjóri

föstudagurinn 13. mars 2015

Vond veđurspá fyrir helgina.

Veðurspá fyrir Vestfirði er á þessa leið: Vaxandi austanátt eftir hádegi með slyddu eða rigningu, 15-23 seinnipartinn en hægari sunnanátt og úrkomuminna í kvöld. Hlýnandi veður, hiti 2 til 5 stig síðdegis. Sunnan 20-28 og rigning á morgun. Hiti 3 til 7 stig.

Súðavíkurhreppur hvetur bátaeigendur að huga að bátum sínum í ljósi vondrar veðurspár fyrir helgina.

 

 

Hlíð í Álftafirði

Sveitarstjórn Súðavíkurhrepps samþykkti þann 5. mars 2015 að auglýsa tillögu að breytingu á

deiliskipulagi Hlíðar í Álftafirði skv. 1. mgr. 43. gr. skipulagslaga nr. 123/2010.

Í breytingunni felst stækkun á skipulagssvæðinu ofan Djúpvegar og fjölgun frístundahúsa úr

17 í 26.

Tillagan liggur frammi á skrifstofu Súðavíkurhrepps, Grundarstræti 3, Súðavík frá 9. mars til 21. apríl 2015 á venjulegum skrifstofutíma og á heimasíðu Súðavíkurhrepps www.sudavik.is.

Athugasemdir skulu vera skriflegar og berast skipulagsfulltrúa Súðavíkurhrepps í síðasta lagi 21. apríl 2015 á skrifstofu Súðavikurhrepps, Grundarstræti 3, 420 Súðavík eða á netfangið sudavik@sudavik.is. Hér má fnna tillöguna.

 

Lýsing vegna aðalskipulagsbreytingar

Sveitarstjórn Súðavíkurhrepps samþykkti á fundi sínum þann 5. mars 2015, tillögu að lýsingu

fyrir breytingu á aðalskipulagi Súðavíkurhrepps, skv. 3. mgr. 40. gr. skipulagslaga nr.

123/2010.

Í breytingunni felast áform um deiliskipulag í Reykjanesi og að staðfesta legu Djúpvegar yfir

Reykjarfjörð í aðalskipulagi.

 

Lýsingin er á heimasíðu Súðavíkurhrepps www.sudavik.is frá og með 9. mars til og með 21.

mars 2015. Hér má finna lýsinguna.

 

Einnig liggur hún frammi á skrifstofu sveitarfélagsins að Grundarstræti 3 Súðavík.

Ábendingar við tillögugerðina skulu vera skriflegar og berast skipulagsfulltrúa Súðavíkurhrepps

í síðasta lagi 21. mars 2015 á skrifstofu Súðavikurhrepps, Grundarstræti 3, 420 Súðavík eða á

netfangið sudavik@sudavik.is.

 

Árni Traustason

skipulags- og byggingarfulltrúi Súðavíkurhrepps

 

 

Auglýsing vegna úthlutunar byggðakvóta á fiskveiðiárinu 2014/2015 sbr. reglugerð um úthlutun byggðakvóta til fiskiskipa nr. 652, 4. júlí 2014

 

Fiskistofa auglýsir eftir umsóknum um byggðakvóta til fiskiskipa fyrir:

Súðavíkurhrepp

 

Auk reglugerðarinnar er vísað til sérstakra úthlutunarreglna sbr. auglýsingu nr. 193/2015 í Stjórnartíðindum

 

Umsóknum skal skilað til Fiskistofu ásamt samningi við vinnsluaðila, á eyðublöðum sem er að finna á heimasíðu stofnunarinnar (fiskistofa.is), og þar eru ofangreindar reglur einnig aðgengilegar. Umsóknarfrestur er til og með 16. mars 2015.

 

Fiskistofa, 27. febrúar 2015.

Nú gengur yfir vestfirði aftakaveður. Reynt verður eftir fremsta megni að halda götum opnum, en það verður þó skoðað eftir aðstæðum.

Fólk hefur verið hvatt til að halda kyrru heima fyrir. 

Öllu skólahaldi hefur verið aflýst í Súðavíkurskóla.

Veðrið ætti að ganga niður með fimmtudagskvöldinu og verða orðið skaplegt  um hádegisbil á föstudeginum. 

Samþykkt var á 10. fundi sveitarstjórnar Súðavíkurhrepps, 2014 - 2018, að fastur fundartími sveitarstjórnar verði 1. fimmtudagur hvers mánaðar kl. 13.

Skrifstofa Súðavíkurhrepps lokar kl 14:30 fimmtudaginn 28. janúar vegna sameiginlegs starfsmannafundar hreppsins.

Eldri fćrslur
Vefumsjón