Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2019 »
« Janúar »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
lifid
Facebook Skolastarfsemi Skolar dagskra
Utgefid efni

Móttaka vegna komu Murtada All Saedi, eigimanns Hanaa Al Saedi, verður í Súðavíkurskóla,  sunnudaginn 20. jan. 

Kaffi og sunnudagskruðerí á boðstólum.

Allir velkomnir! 

föstudagurinn 28. desember 2018

Gleđilegt ár!

Súðavíkurhreppur óskar íbúum sínum og landsmönnum öllum gleðilegs árs!

Áramótabrennan í Súðavík hefst samkvæmt venju kl. 20. 

Sjáumst glöð á brennunni og svo á nýju ári!

Árlegt jólaball Geisla verður haldið í félagsheimilinu laugardaginn 29. des kl 17:30.

Lilja og Haukur spila og syngja undir dansinum og við gerum ráð fyrir á jólasveinarnir líti við  í heimsókn þegar þeir frétta af fjörinu.

Allir velkomnir ungir sem aldnir. Eftir dansinn er í boði alvöru súkkulaði með rjóma, kaffi og gos. Væri gaman (ekki skylda) ef

einhverjir eiga afganga eftir jólin af smákökum eða öðru gotteríi til að hafa með drykkjunum.

Allir að mæta og hafa smá jólagaman saman.

Jólakveðja
Geisli

ţriđjudagurinn 4. desember 2018

Jólalaugardagur 8. desember!

Laugardaginn 8. desember, næsta laugardag, verður skemmtileg jóladagskrá í Súðavík.

Dagskráin verður sem hér segir;

 

Kl. 11 - Jólamorgun í Súðavíkurkirkju. Kakó og kökur, jólalög og jólasögur.

Kl. 14 - Jólabíó í Samkomuhúsinu.

Kl. 16 - Piparkökuskreytingar og jólastemming í skólanum.

Kl. 18 - Kveikt á jólatrénu í Súðavík. Sungið saman og jólasveinar glensa.

 

Sjáumst í jólaskapi!

miđvikudagurinn 28. nóvember 2018

Gul viđvörun ađfararnótt föstudags.

Gul viðvörun hefur verið gefin út af Veðurstofu Íslands vegna vonskuveðurs. Mikilvægt er að íbúar bindi niður lausamuni og allt það sem kann af fara af stað í veðurhamnum. Þá er nauðsynlegt að bátaeigendur hugi að bátum sínum í Súðavíkurhöfn.

Frekari upplýsingar fást á www.vedur.is

 

Boðun fundarins er í samráði við formann atvinnu og landbúnaðarnefndar Karl Guðmund Kjartansson. Áhugasömum er fundurinn opin.

Boðað er til fundar þar sem umræðuefnið verður úthlutun byggðakvóta, fiskveiðiárið 2018/2019. Fundartími verður mánudagurinn 10. des. kl. 16 í fundarsal sveitarstjórnar. Boðið verður upp á þátttöku í gegnum síma / fundarsími Símanns - 7557755 - 6984842

 Úthlutaður byggðakvóti er 135 tonn – sjá meðfylgjandi bréf frá ráðuneytinu.

 

 

mánudagurinn 12. nóvember 2018

Hunda og kattahreinsun í Súđavík

HREINSUN Í SÚÐAVÍK

Dýralæknir verður staddur í áhaldahúsinu að Langeyrarvegi 1-3, þriðjudaginn 20.nóv. milli kl. 16 - 17

Hundaleyfisárgjald er kr. 5.649 og kattaleyfisárgjald er kr. 3.389 fyrir árið 2018. (Innifalið í gjaldi er kostnaður vegna ormahreinsunar.)

Kostnaður vegna bólusetningar er greitt fyrir sérstaklega.

Eigendur þurfa að sýna fram á að hundar séu tryggðir.

Greiðsluseðlar verða sendir til dýraeigenda eftir að hreinsunin hefur farið fram.

Hægt verður að skrá dýr á staðnum sem ekki hafa nú þegar verið skráð.

Starfsmaður áhaldahúss

Haldinn verður opinn kynningarfundur á nýju Aðalskipulagi Súðavíkurhrepps 2018-2030 í grunnskólanum  í Súðavík

kl. 10-12  næstkomandi laugardag þann 10. nóvember 2018.

Sjá nánari kynningargögn á vef Súðavíkurhrepps, www.sudavik.is.  Tillögurnar verða einnig til sýnis á skrifstofu Súðavíkurhrepps Grundarstræti 3.

Eftir kynningu gefst fólki færi á koma með fyrirspurnir og ábendingar.

Dagurinn byrjar á morgunverði og að lokinni dagskrá verður boðið upp á hádegisverð.

Kynningarfundur fyrir íbúa og hagsmunaaðila Inndjúpsins verður haldinn í Heydal sama dag kl. 15-16.30.

Sveitarstjóri

 

 

ţriđjudagurinn 23. október 2018

Konur leggja niđur vinnu á miđvikudag kl. 14:55

Á miðvikudag munu konur sem starfa hjá Súðavíkurhreppi leggja niður vinnu kl. 14:55.

Allt starfsfólk á leikskóla Súðavíkurskóla eru konur. Foreldrar og forráðamenn leikskólabarna eru hvattir til að sækja börn sín á leikskóla fyrir þennan tíma á miðvikudag og sýna þannig samstöðu í verki.

 

föstudagurinn 5. október 2018

Framkvćmdaleyfi Djúpvegur 61-34, Leiti - Eyri

Súðavíkurhreppur Framkvæmdaleyfi

Heiti framkvæmdaleyfis: Djúpvegur 61-34, Leiti – Eyri.

Leyfishafi: Leyfisveitandi: Vegagerðin, kt. 680269-2899 Súðavíkurhreppur, kt. 630269-4589 Borgartúni 5-7 Grundarstræti 3 105 Reykjavík 420 Súðavík

Eftirlitsaðili framkvæmda: Vegagerðin, kt. 680269-2899

Útgáfa framkvæmdaleyfis: Undirritaður f.h. Súðavíkurhrepps veitir hér með Vegagerðinni framkvæmdaleyfi fyrir „Djúpvegur 61-34, Leiti - Eyri“.

Vegagerðin, kt. 680269-2899, er heimilt að framkvæma vinnu við vegagerð í Hestfirði og Seyðisfirði í landi Eiðis í Hestfirði og í löndum Kleifa og Uppsala í Seyðisfirði, á alls 7 km kafla.

Staðsetningar og helstu verkþættir: Upphaf framkvæmdakaflans er við stöð 9700 í Hestfirði. Hann mun fylgja núverandi vegi en við Nóná, milli stöðva 10300 -11000, mun veglínan færast lítillega upp fyrir núverandi veg vegna lagfæringa á planlegu. Í botni Seyðisfjarðar, milli stöðva 11700-12200 færist veglínan ofar í landið vegna lagfæringar á planlegu vegarins í vestanverðum fjarðarbotninum. Frá botni Seyðisfjarðar, frá stöð 12200 og til norðurs er um endurbyggingu á núverandi vegi að ræða. Við stöð 14000 víkur veglínan niður fyrir núverandi veg og liggur á nýju vegsvæði meðfram sjónum að stöð 15200 við Grjótdalsá. Frá Grjótdalsá og að útboðsenda við stöð 16700 er um endurbyggingu á núverandi vegi að ræða. Verklok fyrir verkið í heild er 1. október 2019.

Stutt lýsing framkvæmdar: Verkið felst í endurbyggingu núverandi vegar og nýbyggingar hans á köflum, endurnýjun ræsa ásamt lögn bundins slitlags. Þá verður áningarstaður í botni Seyðisfjarðar endurbyggður og lagður bundnu slitlagi. Efnisþörf í verkið er 170.000 rúmmetrar.

Vegurinn er í samræmi við Aðalskipulag Súðavíkurhrepps 1999-2018 og er ekki háður mati á umhverfisáhrifum samkvæmt lögum nr. 106/2000 m.s.b. Fyrir liggur leyfi Minjastofnunar Íslands til að raska fornminjum.

Vegsvæðið um Eiðið liggur að hluta innan svæðis nr. 313 í náttúruminjaskrá og að mati Umhverfisstofnunar eru áhrif framkvæmdarinnar á Lambadalsfjall óveruleg.

Í Hestfirði mun vegurinn liggja í jaðri birkikjarrs á 700 metra kafla og mun raska 1,9 hektara svæði. Fram kemur að framkvæmdaraðili hafi haft samband við Skógræktina um mælingar og mögulegar mótvægisaðgerðir.
Súðavíkurhreppur


Fyrirliggjandi gögn: • Umsókn, dags. 25. júlí 2018, sem felur í sér framkvæmdalýsingu og efnistökuáætlun ásamt yfirlitsmynd í mkv. 1:30.000 af framkvæmdasvæðinu. • Kynningarskýrsla unnin af Vegagerðinni dags. desember 2017 (39 bls.) • Teikningar frá Vegagerðinni (9 teikningar) • Ákvörðun Skipulagsstofnunar dags. 19. febrúar 2018.


Gildistími framkvæmdaleyfis:

Framkvæmdaleyfið tekur gildi við útgáfu þess 12. september 2018 og fellur úr gildi 1. nóvember 2019. Ef framkvæmdum lýkur fyrr fellur það sjálfkrafa samstundis úr gildi.

Fyrir hönd Súðavíkurhrepps kt. 630269-4589:





Súðavík, 12. september 2018


__________________________

Jóhann Birkir Helgason Skipulags- og byggingarfulltrúi

Eldri fćrslur
Vefumsjón