Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2020 »
« MaÝ »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
lifid
Facebook Skolastarfsemi Skolar dagskra
Utgefid efni

Frá Vestfjarðastofu.

Vestfjarðastofa stendur fyrir örkönnun varðandi atvinnuþátttöku ungs fólks og námsmanna á Vestfjörðum. Könnunin er stutt og tekur aðeins nokkrar mínútur að svara henni. Leitast er við að skoða áhuga ungs fólks á atvinnuþátttöku á Vestfjörðum í sumar. Við hvetjum alla sem eru í námi og hafa hug á að leita sér að atvinnu á svæðinu að svara og auðvelda þannig sveitarfélögunum og fyrirtækjum á svæðinu með áherslur varðandi sérstakt sérstakt átak ríkisstjórnarinnar varðandi sumastörf fyrir námsmenn 18 ára og eldri. Linkurinn er hér á könnun Vestfjarðastofu.

fimmtudagurinn 14. maÝá2020

Nřbygging a­ GrundarstrŠti

Framvindan er hröð í byggingu nýrra íbúða við Grundarstræti í Súðavík eftir að snjóa leysti. Einingarhúsin eru að taka á sig mynd og unnið hörðum höndum. Gaman að fylgjast með húsnæði rísa í Súðavík. Nokkrar myndir frá Þorsteini Hauk með.

f÷studagurinn 8. maÝá2020

Ger­ strandsvŠ­isskipulags ß Vestfj÷r­um

 

Gerð strandsvæðisskipulags á Vestfjörðum

Lýsing

Svæðisráð auglýsir lýsingu fyrir gerð strandsvæðisskipulags á Vestfjörðum Þar er gerð grein fyrir hvernig fyrirhugað er að standa að vinnu við gerð strandsvæðisskipulagsins. Lýsingin er aðgengileg hjá Skipulagsstofnun og á hafskipulag.is frá 7. maí til 1. júní. Nálgast má prentað eintak hjá Skipulagsstofnun.

 

Lýsing fyrir gerð strandsvæðisskipulags á Vestfjörðum.

 

Allir eru hvattir til að kynna sér efni lýsingarinnar og koma á framfæri ábendingum um nálgun og efnistök í skipulagsvinnunni. Ábendingar þurfa að vera skriflegar og má koma á framfæri bréfleiðis til Skipulagsstofnunar, með tölvupósti á hafskipulag@skipulag.is eða á athugasemdagátt á hafskipulag.is. Frestur til að koma á framfæri ábendingum er til 1. júní 2020.

 

Lýsing er kynnt samkvæmt 11. gr. laga um skipulag haf- og strandsvæða.

 

Samráðsvefsjá

Opnuð hefur verið samráðsvefsjá um gerð strandsvæðisskipulags á Austfjörðum og Vestfjörðum. Þar er hægt er að koma á framfæri upplýsingum um hvernig svæðin eru nýtt til afþreyingar, ferðaþjónustu og nytja ásamt áherslum varðandi styrkleika svæðanna, áskoranir og tækifæri. Allir eru hvattir til þess að taka þátt. Vefsjáin verður opin til 4. júní. Upplýsingar sem safnast í gegnum vefsjánna verða nýttar í vinnunni framundan við gerð strandsvæðisskipulags á Austfjörðum og Vestfjörðum.

 

Kynningarfundur

Fyrirhuguð vinna við gerð strandsvæðisskipulags á Vestfjörðum verður kynnt á veffundi sem streymt verður á Facebook-síðu Skipulagsstofnunar þann 12. maí kl. 15:00.

 

Allir sem hafa áhuga eru hvattir til að taka þátt í fundunum. Nánari upplýsingar um fundina eru á hafskipulag.is.

 

Kynningarfundur

Til stóð að halda samráðsfundi samhliða kynningu á lýsingu en vegna samkomutakmarkana hefur þeim verið frestað. Samráðsfundirnir verða haldnir haustið 2020 og verða þeir auglýstir þegar nær dregur. Á fundunum verður þátttakendum boðið til samtals um stöðu svæðisins, styrkleika og áskoranir og leitað eftir ábendingum þátttakenda um núverandi og framtíðar nýtingu þess. Fundirnir verða öllum opnir.

 

Hafskipulag.is

Jafnframt er athygli vakin á að á nýju vefsvæði skipulags á haf- og strandsvæðum, hafskipulag.is má nálgast frekari upplýsingar um skipulag á haf- og strandsvæðum ásamt gerð strandsvæðisskipulags og framvindu vinnunnar á hvoru svæði.

fimmtudagurinn 23. aprÝlá2020

23. aprÝl 2020 - sumardagurinn fyrsti.

Gleðilegt sumar kæru íbúar Súðavíkurhrepps.

Fallegur vordagur í Súðavík og vísast víðar um hreppinn. Sumarið er vonandi í nánd, alla vega er allt að kvikna í náttúrunni. Farfuglar eru flestir mættir, en krían auðvitað ekki alveg strax. Snjóa leysir og dagurinn lengri og allt verður einhvern veginn léttara. Vonandi verður lífið líka í eðlilegri horfum eftir því sem sumarið sækir á, en auðvitað verður ekki allt eins og það var.

Það liggur fyrir að slakað verður á þeim takmörkunum í Súðavíkurhreppi sem verið hafa umfram landið í heild. Þannig verður samkoma miðuð við tuttugu einstaklinga (hóp) en ekki fimm eins og verið hefur undanfarið. Það leiðir til þess að unnt verður frá og með 27. apríl 2020 að opna skóla og leikskóla í Súðavík, eldriborgarastarfið í Grundarstræti en auk þess ætti að vera auðveldara að reka fiskvinnsluna við Njarðarbraut.

Samt verður áfram þannig að fólki er ráðlagt að hafa minnst tveggja metra bil sín á milli, hvort heldur er í vinnu eða öðrum samkomum. Mikilvægt er að halda í heiðri allar þær varúðarráðstafanir sem okkur hefur verið uppálagt af Landlækni og Almannavörnum. Við þvoum okkur um hendur eins og enginn sé morgundagurinn, sprittum okkur og gætum varúðar í samskiptum við aðra. Öll þurfum við á því að halda að ekki verði bakslag í þessum tilslökunum og mikið um vert að allir leggi þar lið. En um leið skulum við samt njóta þess að geta farið út, hreyft okkur og aðeins gleymt því um sinn að hér þurfi allt þetta til þess að geta haldið samfélaginu gangandi. 

Ég óska ykkur gleðilegs sumars og vona að það verði líkt og vonir standa til eftir vetur sem hefur fært okkur einhver ár aftur í tímann hvað varðar samgöngur og einangrun. Það er þó allt vonandi að baki og vorið komið til að vera fram að sumri. 

Með kærri kveðju,

Bragi Þór Thoroddsen, sveitarstjóri Súðavíkurhrepps 

 

 

fimmtudagurinn 16. aprÝlá2020

KĂRU S┌đV═KINGAR

Enn er í gildi samkomubann í Súðavíkuhreppi líkt og norðanverðum Vestfjörðum öllum, þar sem fjöldatakmark er við fimm manns.  Þetta á við um börn og unglinga líka.  Engum er þetta létt þó auðvitað sé okkur mis-auðvelt að láta hefta okkur þannig.  En þessi höft hafa tilgang og ofar öllu er þar velferð okkar allra og heilsa.  Þetta er okkur öllum fyrir bestu -  þrátt fyrir að það sé ekki alltaf sýnilegt þegar á hólminn er komið.  Og kannski ekki auðveldast að stritast við að sitja þegar vorið bankar upp á, veðrið verður betra til útivistar og sólin skín.

Þrátt fyrir að yfirvöldin – Þríeykið – Alma, Þórólfur og Víðir, hafi gefið út að líklegast verði slakað á einhverju frá og með 4. maí 2020 er talsvert langt í það tímamark.  Þróun mála hér á Vestfjörðum er með öðru móti en hefur verið á landsvísu, en tölfræðin er okkur þungt hvað varðar smit og afleiðingar.  Við þurfum því öll að standa saman í því að halda í heiðri allt það sem okkur er uppálagt af yfirvöldum hér.  

Á Vestfjörðum höfum við okkar eigið fólk sem gegnir hlutverki Almannavarna og sóttvarna. Okkar eigið þríeyki og meira en það. Karl Ingi lögreglustjóri fer þar fyrir ásamt Hlyn Hafberg, Andri og Súsanna læknar eru fyrir heilbrigðisstéttina, Gylfi og Svavar Þór fyrir HVEST og Sigurður Arnar fyrir slökkviliðið og sjúkraflutninga, Halldór Óli fyrir björgunarsveitirnar og Bryndís fyrir Rauða Krossinn. 

Í eldlínunni er bæjarstjórinn í Bolungarvík - Jón Páll, sem hefur þurft að standa í víðtækum aðgerðum með sínu fólki til þess að reyna að hefta útbreiðslu sýkinga og tryggja velferð íbúa í Bolungarvík. Þá er nýkominn bæjarstjóri - Birgir, með erfitt hlutverk í byrjun síns tímabils í nýju sveitarfélagi.  Í Súðavíkurhreppi er sveitarstjóri meira á hliðarlínunni, enn sem komið er, varðandi afleiðingar Covid-19. Allt að einu eru afleiðingar samkomubanns og annarra hafta að hafa afleiðingar hér í Súðavíkurhrepppi líkt og annars staðar á landinu.

Fjölmargir aðrir standa að þessu - hafa hlutverk í Almannavörnum - og þrátt fyrir að við séum öll almannavarnir verður ekki sagt annað en að þetta ástand mæði mismikið á okkur. Stöndum því saman sem almannavarnir - öll sem eitt, við í Súðavíkurhreppi með Vestfjörðum og landinu öllu - þannig að þessir erfiðu tímar verði ekki erfiðari en þörf er á vegna þess að við slökum of mikið á og of snemma. 

Almannavarnir eru keðja, en hún verður aldrei sterkari en veikasti hlekkur hennar.

Með vinsemd og virðingu,

Bragi Þór Thoroddsen,

sveitarstjóri Súðavíkurhrepps - fulltrúi almannavarna í Súðavíkurhreppi

sunnudagurinn 12. aprÝlá2020

Pßskakve­ja 2020

Kæru íbúar Súðavíkurhrepps.

Páskadagur runninn upp með bjartviðri. Það er því kannski vísbending um að veturinn sé á undanhaldi og að vorið sé að fara að láta til sín taka. Það er að sjálfsögðu ein sterkasta myndlíkingin enda boða páskar líf og upprisu. Vonum öll að þessi langi og erfiði vetur sé að baki. Það veitir ekki af að umhverfið og veðrið sé með okkur, enda nóg á ferðinni til þess að setja daglegt líf úr skorðum. 

Ég óska ykkur öllum þess að lífið fari ykkur mildum höndum um páskana, að páskarnir verði um leið þannig að þeir boði líf og upprisu, að áhyggjur okkar verði á undanhaldi og lífið komist í fastar skorður. 

Umfram allt óska ég ykkur gleðilegra páska. 

Bragi Þór 

mi­vikudagurinn 8. aprÝlá2020

Skrifstofa S˙­avÝkurhrepps

Sˇlsetur Ý ┴lftarfir­i - mynd Ůorsteinn Haukur
Sˇlsetur Ý ┴lftarfir­i - mynd Ůorsteinn Haukur

Skrifstofa Súðavíkurhrepps tilkynnir breytingu á opnunartíma.

Frá og með deginum í dag, 8. apríl 2020, verður skrifstofan almennt ekki opin. Erindi skulu borin upp símleiðis í 450-5900 eða á sudavik@sudavik.is.

Ef erindi er þess eðlis að verði ekki leyst eftir öðrum leiðum má panta viðtal. Slík þjónusta er þó undantekning og verður metið hverju sinni. Unnt er að senda póst á sveitarstjóra á bragi@sudavik.is og hafa samband í síma 868-9272 og 843-4868 ef erindi varðar beint sveitarstjóra. 

Við munum áfram halda opnu fyrir okkar daglega starfsemi en einungis verður opið fyrir afgreiðslu Póstsins á auglýstum tímum.

Með kærri kveðju,

Bragi Þór f.h. skrifstofu Súðavíkurhrepps.

■ri­judagurinn 7. aprÝlá2020

A­sto­ Ý S˙­avÝk vegna COVID-19

Kæru íbúar Súðavíkurhrepps,

Við hjá skrifstofu Súðavíkurhrepps viljum benda á, ef einhverjir þarfnast aðstoðar við verslun - innkaup, að vera í sambandi við Matthias Troost í síma 837 2800 eða með tölvupósti á info@margfaetlur.is eða á facebook.

Einnig viljum við vekja athygli á síma Rauða Krossins - 1717.

Ef við getum aðstoðað á skrifstofu Súðavíkurhrepps eða veitt upplýsingar er sjálfsagt að hafa samband með tölvupósti á sudavik@sudavik.is, eða síma 450-4900.

■ri­judagurinn 7. aprÝlá2020

Afgrei­sla Pˇstsins Ý S˙­avÝk

Kæra fólk, viðskiptavinir Póstsins.

Við viljum vekja athygli á breyttum afgreiðslutíma Póstsins í Súðavík.

Afgreiðsla verður, um óákveðinn tíma frá og með 8. apríl opin virka daga frá 12:00 - 13:30.

Til að takmarka þann tíma sem afgreiðsla tekur - notið forskráningu eftir því sem við á á posturinn.is

Vinsamlegast virði takmörkun við einn í afgreiðslu hverju sinni, passið kurteisisfjarlægð - 2 m - hinkrið frami meðan beðið er þjónustu.

Starfsfólk Póstsins - Súðavík.

Kæru íbúar Súðavíkurhrepps.

Líkt og fram kemur á vef Heilbrigðisstofnunar Vestfjarða (HVEST) eru boðaðar hertar aðgerðir vegna COVID-19 m.a. í Súðavíkurhreppi. Vísast til fréttar á vef hvest.is. Aðgerðir voru boðaðar í dag, 5. apríl 2020, en lokun leikskóla á að taka gildi frá og með morgundeginum, 6. apríl 2020. 

Samkvæmt því sem þar er boðað er óhjákvæmilegt að loka leikskólanum í Súðavík, en grunnskóli er kominn í páskafrí. Lokun mun vara um óákveðinn tíma. Segir m.a. á vefnum:  

Í ljósi nýrra smitrakninga á norðanverðum Vestfjörðum hefur aðgerðastjórn almannavarna á Vestfjörðum í samráði við sóttvarnalækni og almannavarnadeild ríkislögreglustjóra ákveðið að bregðast enn frekar við COVID-19 á Suðureyri, Flateyri, Þingeyri og Súðavík með hertum aðgerðum, eins og hér greinir:

  • Leik- og grunn­skól­um á Suðueyri, Flateyri, Þingeyri og Súðavík verði lokað frá og með morg­un­deg­in­um 6. apríl 2020. Þó skulu börn á for­gangslist­um fá vist­un á leik­skól­um og 1. og 2. bekkj­um grunn­skóla.
  • Sam­komu­bann verði miðað við 5 manns (þetta á þó ekki við um fjöl­skyld­ur sem búa á sama heim­ili).
  • Fjöldi viðskipta­vina í stærri versl­un­um (>150 fer­metr­ar) sé að há­marki 30 á hverj­um tíma.

Hvatt er til þess að fólk haldi sig heima, haldi sam­skipta­fjar­lægð, tak­marki ferðir og fylgi leiðbein­ing­um yf­ir­valda.

Þeim vinnu­stöðum eða hóp­um sem telja sig þurfa und­anþágu er bent á að sækja um slíkt hjá heil­brigðisráðuneyt­inu.

Fimm ný smit komu upp á síðasta sólhring og tengjast þau öll norðanverðum Vestfjörðum. Smitrakning stendur yfir og beðið er niðurstöðu nokkurs fjölda sýna sem tekin hafa verið.

Hafa ber í huga öll framangreind atriði er varða samkomur og takmarkanir á fjölda í verslunum og samkomum, enda sækja íbúar hreppsins talsvert sína þjónustu til Ísafjarðarbæjar. Allar sömu takmarkanir eiga við þar er en þó með þeim formerkjum sem eiga við eftir byggðarkjörnum.  

Þeim sem hafa spurningar vegna þessa er bent á að hafa samband, eftir atvikum, við Lögregluna á Vestfjörðum - yfirstjorn-lvf@logreglan.is og á facebooksíðu Lögreglunnar á Vestfjörðum. 

Líkt og annars staðar á landinu breytist staðan dag frá degi varðandi einstaka sveitarfélög, enda eru smitrakningar virkt úrræði sem virðist vera að virka vel á landsvísu. Því er mikilvægt að allar boðaðar aðgerðir séu virtar hvað varðar samkomubann og annað það sem kann að breytast hér frá og með morgundeginum. 

Allar upplýsingar eru uppfærðar á síðunni covid.is og er bent á upplýsingar sem birtar eru þar varðandi stöðun frá degi til dags. Upplýsingar fyrir svæðið eru uppfærðar á síðu HVEST á hvest.is.

Verslun hér í Súðavík - Kaupfélagið - er að taka mið af breyttu fyrirkomulagi og er þeim sem þar eiga leið um bent á að einnig er unnt að fá heimsent. Hægt er að panta vörur gegnum sms (837 2800) eða með tölvupósti á info@margfaetlur.is. Einnig má finna Kaupfélagið Súðavík á facebook. 

Undirritaður hefur kappkostað að hafa samband vegna þeirra aðgerða sem nú eru boðaðar á svæðinu og ætla má að flestum sem þetta varðar beint, venga atvinnu eða þjónustu, hafi verið gert viðvart og/eða staðfest er að viti af samkomubanni og lokun leikskóla. 

Líkt og fram kemur í þeim upplýsingum sem vísað er til hér í tenglum er unnt að hafa samband við hjálparsíma Rauða Kross Íslands í síma 1717 - erindi sem varða áhyggjur eða fyrirspurnir þeirra sem dvelja í einangrun eða sóttkví.

Með kærri kveðju, 

Bragi Þór Thoroddsen - sveitarstjóri Súðavíkurhrepps 

 

Eldri fŠrslur
Vefumsjˇn