Sitemap
TextSizeButtonSmall TextSizeButtonMed TextSizeButtonBig
Valmynd2
lifid
« 2019 »
« Desember »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
lifid
Facebook Skolastarfsemi Skolar dagskra
Utgefid efni
24. nˇvember 2019

Uppbygging Ý S˙­avÝk

Haldinn var auka sveitarstjórnarfundur í sveitarstjórn Súðavíkurhrepps fimmtudaginn 21. nóvember 2019.

Á fundinum var m.a. staðfest tillaga 6. fundar skipulags-, byggingar-, umhverfis- og samgöngunefndar um uppbyggingu húsnæðis í Súðavík. Samkvæmt tillögu nefndarinnar er fyrirhuguð bygging fimm íbúða raðhúss á lóð Grundarstrætis 5-7-9 (en lóðin er skipulögð fyrir m.a. fjölbýli í gildandi deiliskipulagi). Hrafnshóll ehf. mun standa að byggingu húsnæðis í samvinnu við Súðavíkurhrepp. Mun Súðavíkurhreppur kosta byggingu þriggja íbúða, 3ja og 4ja herbergja, þær stærri um 90 m2. Mun Hrafnshóll ehf. eiga og reka tvær íbúðir í óhagnaðardrifnu leigufélagi. 

Kynning á áformum þeirra Hrafnhólsmanna frá því í haust var miðuð við Grundarstræti ofan við stjórnsýsluhús, en frá þeim áformum var fallið, að höfðu smráði Hrafnshóls ehf., byggingafulltrúa og nefndarmanna. Er það einkum vegna þess að húsin er á einni hæð, en gert er ráð fyrir tveggja hæða húsum ofanvert í Grundarstræti. Það hefi haft í för með sér að breyta hefði þurft deiliskipulagi, en það tekur tíma og því mátt búast við að skipulag hefði ekki veirð klárt fyrr en í sumar. 

Lagt er upp með uppbyggingu húsnæðis sem fellur að þeirri reglugerð sem kynnt var í haust um uppbyggingu á svolkölluðum köldum svæðum á landsbyggðinni, einkum þar sem engin eða lítil uppbygging hefur verið undanfarin ár.  Ásmundur Einar Daðason ráðherra hefur haft forgöngu um að standa að þeim breytingum á útlánareglum Íbúðalánasjóðs og reglugerðarbreytingu sem tekur mið af því að jafna byggingarkostnað með framlögum frá ríkinu. 

Fyrirhuguð bygging mun þarfnast grenndarkynningar þar sem aukning er um tvær íbúðir á byggingareitnum, en deiliskipulag gerir ráð fyrir þremur íbúðum. Heildarstærð byggingar er þó ekki umfram það sem skipulagið leyfir. Að því gefnu að unnt sé að gefa út byggingaleyfi fyrir áformaðri byggingu munu framkvæmdir hefjast hið fyrsta, en verktakar bíða raunar eftir því að geta hafist handa til þess að geta tekið grunn fyrir veturinn (það er að segja áður en hann verður raunverulegur).

Áformað er að mæta útgjöldum vegna uppbyggingar með sölu á fasteignum í eigu Súðavíkurhrepps, enda á hreppurinn orðið talsvert af húsnæði, bæði íbúðar- og atvinnuhúsnæði. Að öðru leyti mun fjármögnun verða með láni frá Íbúðalánasjóði. Hvort heldur sem er mun uppbygging húsnæðis ekki hafa veruleg áhrif á afkomu hreppsins, en fjármögnun verður í formi lántöku að hluta. Tíminn mun svo leiða í ljós hvort Súðavíkurhreppur komi til með að eiga og reka húsnæðið að fullu eða hvort íbúðir verði seldar á frjálsum markaði. Rekstur fasteigna mun verða í hlutafélagi.

Það er full ástæða til að gleðjast yfir því að uppbygging hefjist í Súðavík hér á vetrarmánuðum, enda vöntun á hentugu húsnæði, bæði til leigu og kaups. Kappkostað er að uppbygging taki skamman tíma og er gert ráð fyrir að húsnæði verði klárt til afhendingar í vor, í byrjun maí 2020. 

Frekari kynning á útliti og hönnun verður kynnt hér á síðunni þegar grenndarkynningu er lokið og tilskilin leyfi hafa verið gefin út. Ég tel að það beri að fagna því að ráðist verði í þessa uppbyggingu enda ljóst að talsverð tálmun er í því að byggja upp atvinnu í Súðavík meðan ekki fæst húsnæði fyrir þá sem vilja koma hér til þess að búa og vinna. Því hefur verið haldið á lofti undanfarna mánuði að fleiri þurfi að búa í sveitarfélögum til þess að tryggja tilvist þeirra að lögum. 

Kær kveðja,

Bragi Þór Thoroddsen 

22. oktˇber 2019

S˙­avÝkurhlÝ­

Tók þessar myndir í liðinni viku á leið um Súðavíkurhlíðina. Hér eru framkvæmdir í góðum höndum og ýmsilegt að gerast í rétta átt. Það er hins vegar ljóst að þetta mun þurfa að þjóna vegfarendum sem eini kostur að vetri til þegar færðin verður þyngri og snjósöfnun verður í hlíðinni. Ekki stendur til að hafa á áætlun til 15 ára (drögum í samráðsgátt) göng milli Álftafjarðar og Skutulsfjarðar.

Ég fyrir mitt leyti lýsi þeirri skoðun minni, að með drögum að áætlun til 15 ára hefði mátt slá keilur og láta í það skína að vilji væri fyrir því hjá ráðuneyti Samgöngu- og sveitarstjórna að sameiningaráform næðu til sveitarfélaganna sem heildar. Það hefði mátt gera, þó ekki hefði verið nema til að láta í það skína að fullur vilji væri til þess að veita sveitarfélögunum brautargengi hér á norðanveðrum Vestfjörðum til sameiningar, enda þó auðvitað væru mörg ár í efndir. Mér hefði þótt það klókari leikur þar sem ráðuneyti samgöngu og sveitarfélaga er samtvinnað undir einum og sama ráðherra.

Ég gleðst yfir þeirri yfirlýsingu bæjarstjórnar Ísafjarðarbæjar að hafa orðið fyrir vonbrigðum með að "Súðavíkurgöngin" hafi ekki ratað inn í áætlunina. Þar sem það er þegar sagt læt ég nægja að taka undir það enda mörgum heyrinkunnugt, sumt þarf ekki að færa í mörg eða oft, hlíðin hefur áður borist í tal.

Ég vona að veturinn verði snjóléttur og það sem fjallið skilar niður á Súðavíkurhlíð muni sem mest nema staðar við þau þil sem verið er að reka niður og stöðvast þar. Það er þó bara óskhyggja mín, en framtíðarlausn á samgöngum um hlíðina geta ekki falist í vegskálum einum til heilsárs. Þessi hlíð er brött og geymir illa snjó auk þess sem þyngdaraflið togar allt laust niður í vatnsveðrum.

Ég hvet ykkur til þess að fara inn á samráðsgátt stjórnvalda - allir þeir sem hafa á þessu skoðun og telja að málið varði þá með einum eða öðrum hætti eiga að setja þar inn skoðun. Sjá hér samráðsgátt stjórnvalda. Um leið gleðst ég yfir því sem unnið er á hlíðinni og má glöggt sjá að mikið hefur verið gert í rétta átt.   

Bragi Þór Thoroddsen 

Allar frÚttir
Vefumsjˇn