Melrakkasetrið heldur upp á afmæli og öllum er boðið. Dagskrá og veitingar frá 13-18. Tónleikar um kvöldið - nánar auglýst síðar.. Velkomin í Melrakkasetur

Í tilefni tveggja ára opnunarafmælis Melrakkasetursins verður opið hús í Eyrardal milli kl. 13 og 18 á sunnudaginn, þann 10. júní. Á boðstólnum verður forláta afmælisterta frá Gamla bakaríinu, mix frá Ölgerðinni, Ís frá Kjörís og auðvitað er kaffi á könnunni. Loftið ómar af tónlist og handverkið verður á sínum stað. Mikki og melrakkarnir spjalla við gesti. Andlitsmálun í boði. Hægt verður að búa til sín eigin barmmerki með listakonunni Ninu. Allir velkomnir því allir eru melrakkar í hjarta sínu

Þann 4. ágúst nk. verður hátíðin Inndjúpsdagur haldinn. Um er að ræða einstaka fjölskylduhátíð með sérstaka áherslu á Miðaldadaga.

Handverk og listmunir á menningarloftinu á sunnudögum. Opið frá 12 - 17 Ljómandi vettvangur fyrir alla, listamenn sem og unnendur fallegs handverks. Öllum er velkomið að koma og selja muni sína á loftinu - hafið samband við Maríu og Sveinbjörn (uppl. á setrinu). Gjafavara á góðu verði - einstakir munir fyrir alla.